karjal.fi: Varavonalazen karjalan kielen lujendamine on mahtollistu

https://www.karjal.fi/verkolehti/2017/08/varavonalazen-karjalan-kielen-lujendamine-on-mahtollistu/

Varavonalazen karjalan kielen lujendamine on mahtollistu

Anneli Sarhimaan Suomen karjalankielizis kirjutettu tevos Vaietut ja vaiennetut jullatah tänäpäi Helsingis Suomelazen Kirjallizuon Seuran pruazniekkuzualas (Hallituskatu 1) aigua 13:00.
Vaietut ja vaiennetut käzittelöy karjalan kielen stuatussua Suomes eri aigoinnu da ezittäy tutkimuspohjazii kannatuksii sit, kui karjalan stuatussua voi lujendua yhteiskunnas da kielikollektiivan syväindös.
Suomes on paistu karjalakse muga hätken kui suomeksegi. Kodiperäzyös huolimattah, karjalan kieldy ei ole lujitettu ozakse Suomen virallistu da nägyjiä kielimaizemua vaiku karjalan kieli da karjalankielizien oigevukset ainos viimevuozih suate ollah jiädy bokkah. Yhteiskundu rubei tugemah karjalan kieldy vaste 2000-luvul. Karjalankielizet iče ollah hoijettu omassah kieldy enne kaikkie suvun piiris da voulostiseuroin toimindas. Perindehellizen seurutoimindan ližäkse karjalankielizet nygöi luajitah sotsiaalizii verkoloi internetas.
Vaietut ja vaiennetut on enzimäine globalivaldaine ezitys Suomen karjalankielizes rahvahas. Histourien, kielen da kul’tuuran ližäkse se kuvuau karjalankielizien stuatussua Suomes voinan jälgeh da sanou oman mielen sit, kuibo kohendua karjalankielizien mahtollizuksii käyttiä karjalankieldy da siirdiä sidä uuzile pagiziipolvile.
Kirju on tarkoitettu Suomen karjalankielizele kollektiivale, kielellizien oigevuksien todevuttamizes vastuajile piättäjile da virguniekoile, tutkijoile, opastujile dai kaikile lugijoile, kudamat ollah kiinnitetty mieldy vähembistökielien stuatussah i Suomen kieli-ilmastoh.
Lähte: SKS:n tiijoitus

Ei kommentteja:

Lähetä kommentti

SCP-113 trap

  SCP-113 https://scp-wiki.wikidot.com/scp-113 in this comic, I tried comic page layout of belgian comic magazine