karjal.fi: Karjal on voimavara

Karjal on voimavara

Nurmekses on pandu alguh projektu, kudaman tarkoitus on nostua vähembistökieli da -kultuuru uvven kehityndän voimavarakse. Keskezenny ozannu projektah kuuluu kielipezätoimindu, kudamah niškoi Bomban taloin alovehele on nostettu oma taloi. Ruado sie algau perehpäivykoditoimindannu. Lapsile taritah sežo karjalankielisty ohjelmua i muudu hommua. Päivykoin toiminindua kehitetäh kieliruadoryhmien ker. 

Kielipezätoiminda todevuu, ku suajah tarbehekse tugijoi. Yksi huomattavu tugi on jo suadu, ku LomaSirmakan omistai Forete Oy on luovutannuh ozan lomafatierois karjalazile kielipezäprojektan joukkofinansiiruičendan vastinehekse. 

Kielipezätoimindua voibi tugie jogahine hyövykkähäl taval ostamal lomabanknottoi, kudamat annetah oigevuon suaha fatieru LomaSirmakas. Yhten nedälin piduhine loma maksau perehele 400–900 euruo vuvvenaijas rippujen. Kielipezäprojektah voibi ottua ozua ostamal 500 euron lomabanknottoi kampuaniihindah 250 euruo /  kappaleh. Konzu lomailii asettuu fatierale LomaSirmakkah, korvatah hänele banknotas 500 euruo. Banknottu on voimas yhten vuvven. Lomabanknotan voibi käyttiä iče, andua podarkakse, myvvä, libo andua arbajazien palkindokse.

Lomabanknottoi voibi tilata Forete Oy:l, tel. 013 480 463013 480 463  da info@lomasirmakka.com da ostua LomaSirmakan vastahotandas: Tavintie 6 75500 Nurmes i Karelia Expert Matkapalvelu Oy:l, Kauppatori 3 75500 Nurmes da verkolaukas: www.visitkarelia.fi 

Lähte da kuva LomaSirmakan eziteh. Kuvas on päivykoditaloi.

Ei kommentteja:

Lähetä kommentti

terralympus