Kezäpäiväne Karjalan mäjel


KEZÄPÄIVÄINE KARJALAN MÄJEL
(Kesäpäivä Kangasalla, Z. Topelius)

Puun oksaizel ylimbäizel
mäjel Karjalan kaikerran mie,
mih kiännyn, mih silmän'i siirdyy,
vein selgie vain vienoizie;
tuol Luadogan veit, tuol loittuo
veit toizet ne vierähtelöö,
tuol Siämjärven kuldazet rannat
kera hiekkazien kilcettelöö!

Da kiänny hos kunne, sie kiänny –
kuin taivahan silmäizet
salojärvyöt ne suat comat läikkyym
Vieljärvet, oi, vilvakkazet;
da suarie, da suarie, da n'iemie,
da lahtiloi, pohjukkoi,
en tiijä, kuin kiittiä, kuin laittua,
kuin laulua, kuin lauzuo, en voi! -

Mie vain olen lindune pien'i
en piäze mie taivoizih,
ei siiben'i kanna, ei t'ien'i
vie pilvyzih piälimäzih;
jos veizi, jos voizi, ah, sinne
luoks Luojani liidelizin,
da siel, Hänen jalgazien juures,
nen laulazin, kaikerdazin.

Ei meil suurie rikkahuksie
eigä liigoi hyvyzie,
vain on laulun rakkahuksie
aivan meren syvyzie,
eigä n'iidä panna hallat
eigä vainomiehen vallat,
eigä iske ragehet!

Jo on kanza Karjalangi
monet kovat koitelluh,
vainon päivän vaigeimbangi
iskut, tuskat tundennuh,
sordunnuh jo sodah, voinah,
itkuh igiaigazeh –
noussuh piässyh nois on toinah,
parembaizeh päiväzeh!

Eigä meil tua laulun mahti
mene ragoh muan, ei puun,
räikkää randa, laulaa lahti,
ainos virdeh vedää suun,
olgah surun suuren huol'i,
olgah ilon remahtus,
ainos läikkää laulun puol'i,
kandelehen kajahtus!

Ei kommentteja:

Lähetä kommentti

wall thickness

  thinnest 12 cm,  indoor wall recommendation 20 cm