karjal.fi: Ongo Nuori Karjal agentu?

Ongo Nuori Karjal agentu? 
Vähembistörahvahien järjestö Nuori Karjal on varavos puuttuo ulgomualazien agentoin luvetteloh. Ven’an oigevusministerstvan Karjalan virraston mugah järjestön ruadau muga kui ulgomualaine agentu. Toizin sanojen järjestyö finansiiruijah ulgomualazel puolel da se harjoittau poliittistu toimindua. 
Poliittine ebäilys liittyy sih, ku Nuori Karjal järjesti Suomen Perussuomelazile Nuorile matkan Karjalah vuvvennu 2013, da finansiiruičusebäilys saman vuvven aigah YL:lpäi suaduh abudengah. Virrasto on tovennägözeh yhtistännyh nämmät aziet. 
Ei avvutannuh sellitiä, ku perussuomelazien gostindu Karjalas oli yhtes Karjalan parluamentanke luajittu opastusmatku ilmai poliitiekkua i YK:n annettu abudengu oli tarkoitettu Ven’an suomelaz-ugrilazien nuorien opastusprojektah. Nuoreh Karjalah pandih agentan pečatti, hos moizeh ei ole ni mittumua syydy. Järjestö on ruadanuh yhteisruaduo Karjalan virguniekkoinke da suannuh valduozan dengas kodimualazil ministerstvoil i fondil. Se on keskitynnyh andamah tugie karjalan, vepsän da suomen kielele i kul’tuurale. 
Ollahgo kieli- da kul’tuuruhankehet bedakse turvallizuole da syväinpoliitiekale? Lopullizen piätöksen täs azies luadiu Ven’an oigevusministerstvu. Yhtelläh ozutahes, ku yksi tazavallan hyvin menijöis rahvahallizis järjestölöis on varavos kavota. Nuori Karjal ajattelou omassah ruavon loppemistu oigevusministerstvan piätökses huolimattah. 
Lähte: Karjalan Sanomat, Mikko Nesvitski
http://verkolehti.karjal.fi/ 

Ei kommentteja:

Lähetä kommentti

karelians' flag doodle