Omamua.ru: Radikalizman vai demokruatien čotil?

Karjalan kielen virrallizeh stuatussah näh oli jo paistu äijy kudamidä. Ebäiltih aiga kovah, mittuine murreh pädis sih, vai suomen kieli parembi olis pujoittua muutoskeskekse, kuni azii selgenöy ičepäiviidäh. Tuli aigu sanat panna todeh. Ei maksa pidiä vastuttu lingvistoin olgupiälöil, eigo kirjuttajien da runoilijoin. Pidäy ottavuokseh kaikil da hedipaikal!”  
Moizil iškuvirkehil avavuu internetan kontakt-sosialiverkos uuzi, avvonaine, karjalan kielen puolistai kluubujoukko nimel “Karjalan kielele – virralline stuatussu Karjalas” (https://vk.com/club79741361). Läs kahtes kuus sih yhtyi jo yli 500 hengie, virtualistu ozanottajua, mi on vägi tukku nengomal rutol. Ruohtizin sanuo, ku kanzallizen liikkehen tämänpäiväzes mitas se on nähtävy kyven. Joukon syväin on täyzi juriidizii materjualoi, sellityksii, dokumentoin projektoi, paginteemoi, kommentoi – kai net šeikuijah karjalan kielen virrallizen stuatusan suamistu Karjalan tazavallas lähiaijal...
Yhteskunnallizes polituudizes, kudamas saneltih jongoi paikallizes medias, pagizin uuttu vuottu vaste internetjoukon aktivistanke. Meigävellen keskes häi ei ole hyvin tuttu julgizesti, no sentämän vuottu on aktiivine online- toimindas, puaksuh on nägyvis kanzallizis pidolois, kyykkä-kižois. Andrei Secret – keski-igäine brutualine mies, ei suurel himol pagize omas persounas... 
‒ Ondrei, ken olet? Midä veguo otittos täh dieloh? Enimät karjalazet aktivistat täl puolel oman kielen stuatussua jo pietäh fantastiekannu.
‒ Olen ven’alaine, rodivuin Petroskoih. Muinaiskarjalazien histourii miellyttäy jo ammui, algoin tuttavuo sih Svetlana Kočkurkinan Muinaizet karjalazet -kniigua myö. Tänäpäi kävyin Karjalan tiedokeskuksen Kieli-instituutan arheolougien ozastole, pagizin tiedomiehienke. Kielettäh ei ole kanzua. En minä yksinäh kannata virrallistu stuatussua karjalan kielele, on meidy kudakui suuri joukko. Ihaškoitti, ku kerras joukko tuli aijankohtazekse, suat ristittyöt ollah sit. Joukon kielenny on enimytteh ven’a, no ei meijän dielonnu ole karjalakse kirjuttamine da kielen opastamine toizile, vai azien levittämine leviembäzele da šeikuiččemine suurembas yhteskunnas, ven’alaziengi keskes. Valdivollizen stuatusan suamine on meijän maksimualine pyrgimys, allus pädis muite hozi mitah viralline stuatussu. Vuvvel 2004 suadu zakon ei anna nimittumua stuatussua, en tiijä mindäh se pädyö iče karjalazile da sidä pietäh kompromissannu...

Ei kommentteja:

Lähetä kommentti

SCP-113 trap

  SCP-113 https://scp-wiki.wikidot.com/scp-113 in this comic, I tried comic page layout of belgian comic magazine