Karjal.fi : Ven’al karzitah vähembistökielien opastukses – Suomen sugukielien tilandeh heikkonou

http://verkolehti.karjal.fi/uudizet-2/


Suomelazien tutkijoin, Riho Grünthalin, Sirkka  Saarizen da Tero Mustozen mugah vähembistökielien elvytändyy pietäh Ven’al varavonnu kanzallizele yhtenäzyöle. Elvytysruaduo on sendäh vähendetty da tilandeh ainos vai huononou. Omua, ven’alazes eroajua kul’tuurua ei maksa ezitellä, ku nygöizen haldivoiččijan aigah tahtotah aksentiiruija ven’alazuttu dai pravoslaunoin vieruo.
Mennyön vuozikymmenen aigah luajitus školauvvistukses karzittih opastustu omah kieleh da ezimerkikse Komis ei enämbi voi suaha palvelendua komin kielekse. Aijembah zakon turvai sen, a nygöi zakonoil pidäy olla yhtenäzet Ven’an federatsiin zakonoin ker.
Tutkijat sellitetäh, ku daže suurimat vähembistökielet, kui udmurtu da mordva ollah varavos, hos niilöil on sadoituhanzii pagizijoi. Vodin kieldy, akkalansaamii sego muudamii samojedukielii vaivuau pagizijoin vahnus. Liivih ei pagize enämbiä niken.
Tämän lizäkse tutkijat ollah sidä mieldy, ku kaivos-, guazu-, da neftitevollizus hävitetäh alguperäzien rahvahien eloikeinoloi. Kai tutkijat ei yhtelläh duumaija muga. Lapin yliopistos ruadajan Florian Stammlerin mugah tevollizus on mahtollizus da voi luadie rahvahile sežo hyviä.
Lähte: Talouselämä/STT, Kuva: Wikipedia

1 kommentti:

  1. Ylen atkal uudine, a nenga ollah dielot Ven'al, pahakse mielekse.
    Pikkarazen rahvahan on puaksuh jygei eliä suures valdivos...

    VastaaPoista

Finland? Russia? EU