Seurale tuli tossarren ehtäl 20. kezäkuudu jälgimäi kirjaine opastus- da kul’tuuruministerstvas, kudamas ilmoitettih virguniekkoin 31. oraskuudu luajitus maksopiätökses. Sen mugah kogo 100 000 euron miärydengu maksetah KKS:le. Tozi azies parluamentu oli omassah piätökses varainnuh tuan miärydengan jo allus seuran käyttöh da se olis voidu käskie maksua jo vuvven allus. Ministerstvan virguniekat tahtottih yhtelläh panna miärydengu välläh eččoh. Yli viijen kuun hätkestymizes roih seurale kaikenluadustu vahinguo. Paiči planiiruičustu alguhpanoruadoloi ei ihan voidu algua enne kui miärydengu käskiettih maksua. Samah aigah seuran enimyölleh suadut pienembätgi abumaksot hätkestyttih tänä vuvvennu äijällizeh da sendäh alguvuozi oli seurale ylen jygei.
Nygöi seura panou ohjelman terväzeh alguh. Painokeski on kreatiivizes toimindas da tarkoitus on panna alguh moniluguzii hankehii, kudamil toven annetah vauhtii karjalan kielen da kul’tuuran elvytysruadoh.https://www.karjal.fi/verkolehti/2017/06/kks-sai-maksopiatoksen-parluamentan-seurale-annetus-miarydengas-elvytysohjelman-algamizeh-niskoi/
Pertti Lampi
Suomekse sanon, što "oli jo aikakin!"
VastaaPoista