YLE: Tutkii hyväs mieles: ”Livvinkarjalankieline Wikipedii on suuri askel kielen kehittämizes”

http://yle.fi/uutiset/3-9234082
Tutkii hyväs mieles: ”Livvinkarjalankieline Wikipedii on suuri askel kielen kehittämizes” 
Internetan avvonazen tiedosanakniigan Wikipedien kirjutuksii nygöi voibi lugie sežo livvinkarjalakse. 
Karjalankielizien radivouudizien lugii Natalia Giloeva (Hiloin Natoi) on hyväs mieles livvinkarjalankielizen Wikipedien kirjutuksis, kudamii on jo läs 3200. Ližiä kirjutustu tulou alalleh.
Livvinkarjalankieline Wikipedii on suuri askel meijän vähembistökielen kehittämizes da elvyttämizes.
NATALIA GILOEVA
Vaste päivän valgien nähnytty karjalankielisty Wikipediedu (siirryt toiseen palveluun) (siirryt toizeh palveluh) on päivitetty kaikkiedah piäl suan hengen väil. 
Livvinkarjalankielizes Wikipedies löydyy kirjutustu ezimerkikse muantiijos, kul’tuuras da kirjalližuos. 
Giloeva ruadau Päivännouzu-Suomen yliopiston livvinkarjalan tutkijannu da opastajannu sego toimiu Kiännä-projektan koordinuattorannu. 
– Livvinkarjalankieline Wikipedii on suuri askel meijän vähembistökielen kehittämizes da elvyttämizes, sanou Giloeva hyväs mieles. 
Pluanois on kiändiä Wikipedien kirjutuksii sežo varzinaskarjalakse da lyydikse.
Yle zavodi karjalankielizet radivouudizet tuhukuus 2015. Uudizii karjalakse voibi kuunnella Yle Arienas sego Yle Uudizet karjalakse -verkosivuloil. Yle Uudizet karjalakse -saital voibi sen ližäkse lugie karjalankielizii uudiskirjutuksii. 
Karjalan kieli tulou sežo socializeh medieh. ”Ven’alazen Facebookan” Vkontakte:n interfeissua on ruvettu kiändämäh vienan- da livvinkarjalakse.

https://olo.wikipedia.org/wiki/Pi%C3%A4sivu 

Ei kommentteja:

Lähetä kommentti

Alugha videjoi