karjal.fi: Karjal Žurnualu - Mieldykiinnittäjii tutkindutuloksii Oulun alovehen karjalankielizis

http://www.karjal.fi/verkolehti/2016/10/mieldykiinnittajii-tutkindutuloksii-oulun-alovehen-karjalankielizis/
Mieldykiinnittäjii tutkindutuloksii Oulun alovehen karjalankielizis 
Niina Kunnas, suomenkielen dotsentu da lektoru Oulun yliopistos tutkiu parahite karjalan kieldy pagizuttamal ristikanzoi da luadimal nabl’udeenieloi. Kunnas on hämmästynnyh sit, ku Oulun alovehel on äijy ristikanzua, nuoriigi, kudamat maltetah paista karjalakse. Karjalakse pagizijat ollah valduozin vuvvennu 1920 Vienaspäi pajennuzii libo heijän jälgipolvii dai omil juuril rajakarjalazii, kudamat evakujiiruittih Muhoksele. Sie on kielen säilymisty avvutannuh Kunnaksen mugah se, ku kai Salmin Käsnäsellän eläjät evakujiiruittih samah paikkah. 
Kunnaksen tutkindas on keral livvikse, suvikarjalakse da lyydikse pagizijoi. Tutkii iče maltau paista vienakse da ellendäy livvii. Hänen mieles karjalan kieli on kielihistouriellizes nägökulmas mieldykiinnittävy. Se avvuttau ellendämäh suomen kielen histouriedu, sanou Kunnas da andau ezimerkin: suomekse sanommo pysyä da pystyä, karjalakse sanotah pisyö da pistyö. Vahnu algutavu on sit säilynyh. 
Karjalakse pagizijoi on Suomes nenga 5000 da karjalan kieli on yksi ei-alovehellizis vähembistökielis. Karjal on toven suuri kielivähembistö Suomes, ku sidä verratanneh hos saaminkieleh, mainiččou Kunnas. 
Lähte: Kaleva, Anna Ovchinnikova, suomen kielen opastui Oulun yliopistos

kielen puhuja määrästä: http://www.ksml.fi/mielipide/mielipidekirjoitus/Karjalaa-osaavien-yhteis%C3%B6-on-suuri/366202

Ei kommentteja:

Lähetä kommentti

karelians' flag doodle