karjal.fi: Karjalazus viritti vallentunalazet


Raija Pyöli gostis Ruočinmual 
Ruočinsuomelaine Kul’tuuruyhtistys oli kuččunuh lahtelazen FD Raija Pyölin gost’akse 23.– 25. sulakuudu. Raija pidi luvendon livvin kieles Tukholman yliopiston suomen kielen laitoksel, sit häi kerdoi karjalan opastundas Suomes da ezitteli uvvembua livvinkarjalan opastusmaterjualua Tukholman suomelazes kirjukaupas. Kolmandennu päivänny Vallentunas Raija musteli omassah lapsusaigua da kerdoi oman perehen evakkotaibalehes Salmispäi Pohjas-Savoh – täl kerdua ruočikse. 
”Sorgens och glädjens Karelen” (Surun da ilon Karjal) oli yksi monis Tukholman alovehen kul’tuurutapahtumis suovattan 25.4. Yhtelläh rahvastu tuli enämbi migu ielpäi vuotettih: istundupaikkua odva vai löydyi. Sijua ečittih hyväs henges, mi vie endizes nostatti mieldy. Suures rahvasjoukos oli mondu tuttavua da vie uuttugi  ristikanzua nuaburikommuunois da Tukholmas. Loittozin gost’u  oli Anja Kvist Hedemoras, Taalainmualpäi. ”Pideli tulla Vallentunah Muamanpäiväkse, ga tulin jo nygöi, ku tytär pagizi täs tapahtumas”, kerdoi Anja hyväl mielel. 
Raijan ruočinkielizes paginas oli lämbyö da viizahuttu. Konzu häi lugi palazii omis tekstois livvikse, oldih ruočinkielizet kuundelijat ylen ihastuksis. Kyzymysty da paginua täydyi ildassah.  
Raijan paginan teeman mugah pajatettih Eila da Elin Pöllänen voinanaigazii pajoloi monil kielil. Kontsertan lopukse hyö pajatettih, kui pidäy, karjalakse.  
Raija Pyölin viziittu oli jatkuo Ruočinsuomelazen Kul’tuuruyhtistyksen, Suomen da Karjalan Tazavallan  keskezeh yhtesruadoh karjalan kielen da kul’tuuran  eistämizekse. Tämä ystävys da yhtesruado algoi vuvvennu 1998, konzu Ljudmila Markianova, ”karjalan kielen muamo”, oli yhtistyksen gost’annu da pidi Ruočis enzimäzet karjalan kielen kursat. 
Ei liene tuules temmattuu sanuo, što Vallentunas tietäh Karjalas enämbi migu toizis Ruočin alovehis. Onhäi sie jo läs kahtukymmendy vuottu organizuittu kaikenjyttysty programmua karjalazes kul’tuuras – joga ainavo vuozi! 
Ruočinsuomelaine Kul’tuuruyhtistys
Eila Pöllänen

Ei kommentteja:

Lähetä kommentti

SCP-113 trap

  SCP-113 https://scp-wiki.wikidot.com/scp-113 in this comic, I tried comic page layout of belgian comic magazine